logo
logo

سكوير-اينكس تهديه جهاز الأكس بوكس 360 أول لعبة ار بي جي من الجيل الجديد للألعاب بعد تغييرها لمسار انتاجها للألعاب لتغزو جميع انواع وسائط الألعاب من اجهزه محموله الى اجهزه منزليه وكمبيوتر شخصي

اللعبه الجديده تأتي بكلمات مخترعه من منتجي اللعبه ويبدو ان سكوير اخترعت نوعا جديدا من الار بي جي يعطي الجيمر روح الامبالاه للشخصيات وتطورها في سيناريو وقصه اللعبه وهنا سأستعرض اللعبه وانشالله افيدكم واعطيكم فكره واضحه عنها اذا مترددين تشترونها


===========================


القصــــه


capell
capell

تدور أحداث القصه في العصر القديم حوالي القرن ال15 وفيها يحكم العالم بالقووه السحريه من خلال مجموعه من السلاسل السحريه موزعه حول العالم وهذه السلاسل تعطي طاقه سحريه ضاره لمن يستفيد منها في رغباته وطموحاته وعادة تتمركز في كل مدينه واحده من هذه السلاسل وفريقك بأمر من القائد سيجموند يريد تدمير هذه الطاقه السحريه للتخلص من الشر

هذي القصه ببساطه وفيها تشعبات كثيره لكن ماراح ادخلها لانها ببساطه في وادي والقصه في وادي يعني ماراح تضيف شي للقصه والعاده هالمهمات تكتسب اهميه بارتباطها بالقصه بشكل او اخر مب بشرط تكون مرتبطه بقووه في مجريات الاحداث

الحلو ان هناك تغييرات ومفاجاءات جيده فالاحداث ولو هذه المفاجائات المغامره قصيره وممله بنفس الوقت (حوالي 20 ساعه اذا ماحسبنا المهمات الجانبيه وتضبيط الاسلحه والمهارات(


===========================


الشخصيات


group2
group2


الشخصيات مسموح تلعب ب18 شخصيه وهالعدد كبير بالنسبه للقصه اللي ماتسمح انك تتابع كل شخصيه وقصتها او بالعربي تتعلق فيها

والمشكله انك لو حاولت ترتب امور الشخصيات بالاسلحه والمهارات راح تاخذ وقت طويل ومابستفيد من هالشي لانهم عادة بيكونون بمجموعه وانت تتحكم بمجموعه

هذا اللي مخلي الشخصيات تنسى بسهوله جدآ

البطل كابيل كان واحد اهبل خواف وعازف مزمار وهو اللي بينقذ العالم , المسكين ماجاته فرصه فالقصه يتطور ويتحول من هالشخصيه لشخصيه بطل فعليه لانه بيظل مثل ماهو طول اللعبه مع اختلاف بسيط من ناحية بلوغ وعمق الشخصيه

متأكد 100% نكم بتنسونه اول ماتنهون اللعبه


===========================


الجرافيك

gfx
gfx

الجرافيك نقطة ايجابيه للعبه وماراح اعتبره شي جديد على ال360 لكن الاجسام والمدن والقصور مصممه بشكل ممتاز والمؤثرات البصريه جميله ورائعه وازياء الشخصيات مصممه بدقه رائعه الا ان الوجوه بعض الشئ خاليه من الاحساس والأقناع



===========================


الجيم بلاي


play
play

الجيم بلاي جميل ايضا وفيه اضافات جديده لا باس فيها لكن مشكلة ان الماجيك المعالج غير موجود الا عند شخصيه او اثنتان مشكله واستبدالها بالايتم ماراح ينفعك في المعارك الصعبه واحيانا مشاكل الاطارات تعطي الاعداء فرصه ذهبيه لقتلك بضرباتهم الخاصه , خاصية صناعة المواد والمهارات جميله لكنها احيانا تفشل وتضيع عليك الشغلات اللي تعبت لين تجمعها وهذا شي ينرفزك كلاعب


===========================


الموسيقى


qwww
qwww

من افضل ماتقدمه اللعبه هو الموسيقى الجميله المصاحبه للمعارك والأحداث وتضيف لك احساس اكثر بجو القصه والأحداث ولا سلبيات من ناحية الساوندتراك بالمره وماتعودت العب ار بي جي من سكوير مع ساوندتراك سئ على حسب ماذكر



===========================


التقييم النهائـــــي

443366

443366

لعبة اللا إكتشاف الانهائي !!! هي من الالعاب المتوسطة المستوى اللي بتحسسك انها تحتاج تعديلات واضافات من جميع النواحي خاصة التمثيل الصوتي اللي 20% منه مفقود او نسو يحطونه فاللعبه مادري عنهم

قصتها بسيطه وقصيره خاصة انها على دسكين والمعارك نظامها جيد وسهل التعلم وتقدر تصير فيه محترف لكن مشاكل الاطارات بتقتلك مهما كان مستواك

تستحق التجربه اذا كنت تحب الار بي جي وتبي تشوف شلون سكوير تقدر تسوي العاب متوسطة المستوى , واذا حبيت ادافع عن سكوير بقول ان اللعبه ماعطوها هايب اكبر من حجمها عطوها اللي تستاهله وخلوها وهذا افضل مافي هايب سكوير مب مثل ميتل جير والالعاب الباقيه

الاستديو المطور للعبه تراي-ايس ماراح يفخر بها فالمستقبل ابدا بعد مانتج لنا فالكيري بروفايل وستار اوشن وغيرهم


أقيم اللعبه بدون تردد 6/10